Musik- und Theaterjugend
Vereinsabend vom 3. März 2007

Gebirgs- und Volkstrachtenerhaltungsverein

"Almrausch" Wasentegernbach e.V.

Liebe Vereinsmitglieder,

heute findet, wie ja bestimmt allen bekannt ist, der Vereinsabend im Trachtenheim statt.
Gestaltet wird der heutige Vereinsabend mit Einlagen der Musik- und Theaterjugend.

Ich hoffe auf reges Interesse und auf eine zahlreiche Beteiligung.

Es grüsst Euch,

Euer Vorstand

 

A so hat da Michi alle elektronischen Vereinsmitglieder, auf den März-Vereinsabend ei'gladn.

Zu meiner Schand' muaß i ei'gsteh, dass i de eMAIL scho' a g'lesen hob, aber hoit z'spät. Und a so is kemma, dass i zwar im Vereinsheim war, aber ganz auf de ei'gsagten Musik- und Theatereinlagen vergessen hob.

Grod guad, dass da Mühlhuber Sepp so freundli' is und mir a paar vo seine Schnappschüss'  schenkt, wei' mein Fotoapparat hob i freili dahom lass'n und ohne Buidl, wollt' i den Bericht a ned schreib'n.

Alle, de de Einladung z'spät, oder an Vereinsterminkalender gar ned g'lesen hab'n und somit as Trachtenheim ned mit dem heimischen Kanapee ei'tauscht hab'n, schreib i aber gern auf, was' versamt hab'n, weil des war wirkli' an Haufa. Dieser Verzicht guit aber g'wiß ned ois Fastenopfer.

Zum oana: Mia hab'n a pfundige guade Jugend, de über Platteln und Drahn hinaus, a musikalisch allerhand drauf hat:

Klassische Klavierstücke, schmissige Akkordeon- und Ziach Stückl,

traditionelle Saitenmusik:
Hackbrett und Zitherbegleitung ,
Violine im Duett mit am Cello

und zwischendrin, a Posaune.

Des schönste is für mi zum sehg'n; wia schneidig unsere junga Trachtler vor rund 70 Zuhörer aufspuin und si' nix draus macha, wenn amoi a halber Ton daneb'n geht. - Als erwachsener Jungmusiker (... ned weil i so jung bin, sonder weil i selber no Unterricht hob, ...) bin i da ned so locker.

Damit de lange Zeit, zwischen unser'm Weihnachtstheater und am Ostertheater (immerhin a mehr ois 13 Wocha) ja ned z'lang werd, hab'n de jungen Künstler a paar Einakter auf die Bühne 'bracht.

Für oan war's 'leicht der "erste Vorhang",

 
andere san scho' halbe Profis mit Karrierechancen als Laienspieler.

Unserer Marlene Rampl möcht i recht herzlich "Dank'schön"sag'n. Zum oana für des, dass se se a heujahr wieder um die Musiktalent und as Theaterspiel unserer Vereinsjugend kümmert hod und dass ma alle an recht kurzweiligen Vereinsabend erlebt hab'n.


Text: Rudi Wolf