Wasentegernbach, den 2. Oktober 2004: Beim Vereinsabend im Oktober galt es dieses Jahr etwas ganz Besonderes zu feiern. Gleich 7 Vereinmitglieder wurden für ihre langjährige Vereinzugehörigkeit geehrt. Da ließ es sich Christian Kammerbauer nicht nehmen, persönlich die Ehrungen durchzuführen. "Das erleb` ich manchmal in einem ganzen Jahr nicht, dass 7 Ehrungen vorgenommen werden" führte Kammerbauer aus. Bei seiner Ansprache ging er insbesondere auf die Leistung der Generation ein, die in der Nachkriegszeit die Voraussetzungen für das vielfältige heutige Trachtenleben schuf.
Als unser Vorstand Michael Bürger in Steckbriefform die geehrten Trachtler vorstellte, wurde allen die  starke Verbundenheit eines jeden mit der Trachtensach` bewusst.
Die Ehrungen wurden durch Darbietungen der Jüngeren mit Tänzen und Plattln feierlich umrahmt. Besinnliche Stille herrschte bei den Beiträgen der Stubnmusi, die den Geehrten Gelegenheit gaben sich an die Anfänge ihres Trachtenlebens zu erinnern.

D`Resi is seit 1950 beim Trachtenverein, is immer bei de Festa dabei gwen mit ihrer Volkstracht. Sie hod ois Statistin beide Theater mitgmacht und heut no fahrt D`Resi mit wen ma bei an andern Verein a Theater bsuachan. Sie lasst a koan Vereinsabend aus und wenns Gsundheit zulasst nacha is a beim Gaufest dabei.

D`Lauri Mari is seit 1952 dabei, hod de Vereinsabende oiwei fleissig bsuacht und aso guat`s ganga is a de Theater und Festa mitgfahrn. D`Mari hod net oiwei fuhrtkenna, weil ja ihrer Mo da Laura a recht a fleissiger Trachtler gwen is ud sie dann bei de Kinder dahoam bleibn hat müssen.

Da Pap is seit 1949 beim Verein, hod scho ois Kind agfangt a da Kindergruppn bei da Niedermeier Anni. Wia er no guat weida hod kenna is a fleissig zo des Festa mitgfahrn und hod do meistens sei Volkstracht okappt. Jahrelang war er bei de Theater ois Schminker dabei uns wenn man braucht hod dann hod er an Statisten gmacht. Gsundheit lasst`s hoid net ao zua.

D`Schuasta Anna wiaß er jeda kennt is genau 50 Jahr dabei, is scho ganz jung zo da Tanzgruppn kemma, hod lang Jahr Theater gspuit und huift a heut no aus wenn Not am Mann oder bessa gsogt wenn Not an Frau is. Ja und a ois Soffleuse hammas scho braucht. A bei Gaufesta oder a andere Feste war und is d`Anni oiwei fleissig dabei.

Da Ludwig is scho seit 1949 beim Trachtenverein, hod scho früh ofangt bei da Kindergruppn vo da Neidermeier Anni; a bissl später hod er dann bei de Tanzprobn mit sein Akkordeon gspuit. Ois junger Bursch hod er unsa Vereinsfahna bei jeden Anlass trogn. Jetz a sein Unruhestand macht da Ludwig für unser Theaterbühne den Bühnenschreiner. A bei Vereinsabende is da Ludwig oiwei do und fahrt a fleissig as Gaufest oder zo de andern Festa mit.

D`Mari is 51 Johr dabei und is in dera zeit 33 Johr lang unsa Schriftführerin gwen. Sie hod aber a ois Frau vo unsam verstorbna Ehrenvorstand an Sigi, der 24 Johr den Verein gleit hod, ihren Mo tatkräftig unterstützt. Sie is bei jeden Theater dabei gwen, ganz gleich ob a Statistin braucht worn is, Karten verkauft oder da Saal putzt werdn hod miaßn, d`Mari war oiwei do. Heut no machts`s unsan Senft dass bei de Theater de Würstl ned so drucka han. Selbstverständli is für sie a jeder Vereinsabend und a jeds Fest zon bsuacha. Wenn`s wieda hoaßt as Theater gehört gfahrn, d`Mari is einfach do und fahrt mit.

Ein Interview mit mit der Mühlhuber Mare führte die Lokalpresse durch.

Da Baptist is scho seit 1952 dabei und is ois gloans Kind bei dera Kindergruppn vo da Niedermeier Anni dabei gwen. Scho mit 12 Jahr hod da Baptist mit seiner Zither de Singgruppn begleit und is seit sein 14. Lebensjahr bei da Trachtenkapelln; ja wenn mas nochrechnet han des scho 55 Jahr. A heut no spuit da Baptist fleissig bei da Stubnmusik mit und begleit mit seiner Zither unser Singgruppn. Vui zeit hod er für de Vereinskasse geopfert, de da Baptist 31 Jahr lang vorbildlich gführt hod. A jeds Gaufest oder a anders Fest, Theaterbesuche und Vereinsabend han fürn Baptist selbstverständlich. Seit sei Frau d`Marlene Spielleiterin is, da hilft da Baptist bei der Bühne mit und is sozusagen an Ludwig sei rechte Hand. Des Theater hod bei unserm Verein scho an hohen Stellenwert vor allem bei da Marlene und beim Baptist, er sogt ja: "Bei uns is des ganze Jahr Theater"!